Вашингтон, 28 октомври 2023 (МИА) - САД и Кина се согласија да работат заедно на очекуваниот самит меѓу претседателите на двете земји, Џо Бајден и Си Џинпинг следниот месец, соопштија американски официјални претставници вчера, по повеќечасовните состаноци меѓу кинескиот министер за надворешни работи Ванг Ји и високи американски дипломати во Вашингтон.

Во првата посета на кинескиот министер за надворешни работи на Вашингтон од 2018 година, ветеранот дипломат Ванг Ји, исто така, се сретна со Бајден на еден час, во разговорите што Белата куќа ги опиша како „добра можност“ да се одржат отворени линиите на комуникација меѓу двата геополитички ривали, со длабоки разлики во политиката.

-Состаноците на Ванг со американскиот државен секретар Ентони Блинкен и американскиот советник за национална безбедност Џејк Саливан во текот на два дена траеја вкупно девет часа, рекоа американски официјални лица, опишувајќи ги интеракциите како „искрени и длабински“. мс/

фото: МИА архива