Москва, 17 јуни 2024 (МИА) - Руските воени бродови кои пристигнаа во Хавана минатата недела испловија денеска од главниот град на Куба.

Минатата недела во официјална посета на пристаништето Хавана пристигна група од четири бродови на руската морнарица, меѓу кои и фрегатата „Адмирал Горшков“ и нуклеарната подморница „Казан“.

Според соопштението на руското Министерство за одбрана, оваа поморска група претходно имала обука за употреба на „високопрецизно ракетно оружје“ во Атлантскиот Океан. рп/

Фото: ЕПА