Вашингтон, 16 јули 2024 (МИА) - Руската компанија за кибер безбедност Касперски Лаб соопшти дека ќе ги прекине своите операции во САД по речиси две децении откако Министерството за трговија и забрани на компанијата да ги продава своите производи во САД.

„Компанијата внимателно го испита и процени влијанието на американските законски барања и ја донесе оваа тажна и тешка одлука бидејќи деловните можности во земјата повеќе не се одржливи“, се вели во соопштението на компанијата.

Затворањето на компанијата и отпуштањето на вработените во САД ќе биде постепено и ќе започне од 20 јули, јави Си-Ен-Ен. рп/

Фото: МИА архива