• понеделник, 04 март 2024

Републиканци и сојузници на Орбан ќе разговараат во Вашингтон за прекин на помошта за Украина

Републиканци и сојузници на Орбан  ќе разговараат во Вашингтон за прекин на помошта за Украина

Лондон, 11 декември 2023 (МИА) - Сојузници на унгарскиот премиер Виктор Орбан ќе одржат состанок зад затворени врати со републиканци во Вашингтон за да извршат притисок за прекин на американската воена помош за Украина, пишува британски Гардијан, повикувајќи се на свои извори.
Членовите на Унгарскиот институт за меѓународни односи и претставници на унгарската амбасада во Вашингтон ќе ја започнат дводневната конференција чиј домаќин е конзервативната фондација Херитиџ. Првиот ден од состанокот вклучува панел-разговори за војната во Украина. Според извор од американската Републиканска партија, некои од учесниците, вклучително и републикански членови на Конгресот, биле поканети да учествуваат на разговори зад затворени врати следниот ден.

Средбата се организирана во време на интензивни дебати во Вашингтон за иднината на Украина. Во средата, републиканците во Сенатот го блокираа итното финансирање за војната во Украина.  

Дипломатски извор близок до унгарската амбасада во САД рече: „Орбан е уверен дека помошта за Украина нема да помине низ Конгресот. Затоа се обидува да ја блокира поддршката и од Европската Унија“. зш/
фото ЕПА

Остани поврзан