Ратификувана Конвенцијата за договорите за избор на надлежен суд
- СООПШТЕНИЕ - Со неа на странките им се гарантира дека спорот ќе се решава пред судот кој тие го избрале со спогодбата за избор на суд и дека истата таа пресуда ќе може да се признае и изврши во некоја од другите земји потписнички.
![Ратификувана Конвенцијата за договорите за избор на надлежен суд](https://mia.mk/images/20240825102911_big_730x400_43.webp )
25 август 2024
Конвенцијата за договорите за избор на надлежен суд, усвоена во рамките на Хашката Конференција за меѓународно приватно право во Хаг, од 30 јуни 2005 година има за цел да ја осигура ефикасноста на спогодбите за избор на суд (познати и како „клаузули за избор на форум“ или „клаузули за јурисдикција“), помеѓу страните во меѓународните трговски односи. Собранието ја ратификуваше на 13 август 2024 година.
Со неа на странките им се гарантира дека спорот ќе се решава пред судот кој тие го избрале со спогодбата за избор на суд и дека истата таа пресуда ќе може да се признае и изврши во некоја од другите земји потписнички .Од друга страна пак ,на државата и се овозможува да оствари некои свои јавни политики, на начин што и се гарантира почитувањето на неколку основи за исклучива нејзина надлежност за одредени прашања.
Конвенцијата преставува инструмент кој ќе обезбеди поголема правна сигурност за прекуграничниот бизнис и да креира поволна клима за меѓународна трговија и вложување.
Конвенцијата е обврска и од извештаите на Европската Комисија за напредокот на Република Северна Македонија, како и годишните состаноци на Поткомитетот за правда и внатрешни работи помеѓу Република Северна Македонија и Европска Унија.
Министерство за правда
___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.