Техеран, 21 септември 2023 (МИА) - Иранскиот претседател Ебрахим Раиси рече дека односите со САД можат да продолжат да се развиваат доколку администрацијата на претседателот Џо Бајден покаже дека сака да се врати на нуклеарниот договор од 2015 година, а првиот чекор треба да биде олеснување на санкциите.

Тој рече дека Американците контактирале со нив преку неколку канали, „велејќи дека се подготвени да имаат дијалог, но ние веруваме дека тоа мора да биде придружено со акција“.

„Дејствијата во однос на санкциите би можеле да бидат цврста основа за продолжување на дискусиите“, додаде шефот на иранската држава.

„Не ја напуштивме преговарачката маса“, изјави иранскиот лидер.

Раиси рече дека повлекувањето на САД од договорот од 2015 година, чија цел е да се ограничи иранската нуклеарна програма, ја поткопува ангажираноста на Вашингтон, вклучително и санкциите. рп/

Фото: ЕПА