Сузука, 5 април 2024 (МИА) - Оскар Пјастри се најде на врвот на табелата на крајот од вториот слободен тренинг пред трката за ГН на Јапонија, на која само седум возачи забележаа времиња.

Причината за оваа прилично ниска активност во вториот час од подготовката на Сузука беше фактот што во голем дел од времето патеката беше премногу сува за интермедиа гуми, но и премногу влажна за мазните. Дури во последните пет минути активноста започна и возачите почнаа да се појавуваат на меките гуми.

Прв го стори тоа Пиастри, кој успеа да внесе најмногу топлина во „сликовите“ и стигна до 1:34.725. Така, тој беше скоро 4,7 секунди побавен од Макс Верстапен на првиот утрински тренинг.

Пјастри заврши пред Луис Хамилтон (Мерцедес) и Шарл Леклер (Ферари). Тимските колеги од Рејсинг Булс, Јуки Цунода и Даниел Рикиардо ја завршија сесијата на четвртото и петтото место, а и двајцата ги забележаа своите најдобри времиња. дс

Фото: Твитер/Формула 1