Пуштени во продажба билетите за натпреварот на Алкалоид со дански Силкеборг
- Македонскиот ракометен вицешампион Алкалоид денес ги пушти во продажба билети за натпреварот со Бјерингбро-Силкеборг кој ќе се игра во рамките на третото коло од Европската лига на EHF.
Скопје, 8 ноември 2023 (МИА) – Македонскиот ракометен вицешампион Алкалоид денес ги пушти во продажба билети за натпреварот со Бјерингбро-Силкеборг кој ќе се игра во рамките на третото коло од Европската лига на EHF.
Продажбата на билети за натпреварот меѓу РК Алкалоид и Бјерингбро- Силкеборг ќе биде преку продажната мрежа на MKTickets.
Цената на влезниците за дуелот кој ќе се игра во СЦ „Јане Сандански“ во Скопје изнесува 100 и 150 денари.
Мечот е закажан за 14 ноември со почеток од 18:45 часот. зс/