Пронајдена марихуана во домот на 24-годишен скопјанец
- При претрес во домот во кој престојува, извршен со судска наредба, била пронајдена и одземена марихуана, појаснуваат од МВР.
Скопје, 19 јануари 2024 (МИА) - При претрес во домот на млад скопјанец, пронајдена била марихуана, информираа попладнево од Министерството за внатрешни работи.
- Полициски службеници од Единицата за недозволена трговија при СВР Скопје, вчера во 10.30 часот на подрачјето на Шуто Оризари, го лишиле од слобода К.А., на возраст од 24 години. При претрес во домот во кој престојува, извршен со судска наредба, била пронајдена и одземена марихуана, појаснуваат од МВР.
Лицето било приведено во полициска станица и по целосно документирање на случајот, ќе следува соодветен поднесок. бд/бак/
Фото: МИА архива