Скопје, 29 октомври 2024 (МИА) - Во Струмица вчера во 17.30 часот полициски службеници од СВР Струмица го лишиле од слобода Д.Р.(27) од Струмица, кој бил баран со потерница поради бегство од Затвор Струмица.

МВР денеска соопшти дека Д.Р. е осуден на затворска казна во траење од една година за сторено кривично дело „тешка кражба“, а имал за доиздржување пет месеци и 17 дена. Лицето било спроведено во Казнено - поправната установа Затвор Струмица за доиздржување на казната.

Вчера пак во 19.30 часот во Струмица, полициски службеници од СВР Струмица го лишиле од слобода Е.Џ.(21) од село Лакавица, штипско, кој бил баран со потерница поради бегство од Затвор Струмица.

Како што стои во соопштението од МВР, Е.Џ. е осуден на затворска казна во траење од една година за сторено кривично дело „тешка кражба“, а имал за доиздржување 10 месеци и 15 дена. Лицето било спроведено во Казнено - поправната установа Затвор Струмица за доиздржување на казната. цр/дма/

Фото: МИА архива