Битола, 2 ноември 2024 (МИА) – Дерби натпреварот од утрешното 13. коло во Првата македонска фудбалска лига (ПМФЛ) меѓу Пелистер и Вардар ќе се игра пред полни трибини на стадионот „Тумбе Кафе“ во Битола, соопштија денеска организаторите.

„Влезниците за утрешното вечно дерби се целосно распродадени. Благодарност до цела Битола, покажавте како се сака спортот и како се сака Пелистер“, соопшти попладнево битолскиот прволигаш.

Натпреварот ќе се игра во вечерен термин од 19 часот.

Претхпдно од 13 часот на програмата се дуелите меѓу Воска – Тиквеш, Шкупи – Гостивар, Работнички – Шкендија, Беса – Струга и Брера Струмица – Силекс. ег

ФОТО: Фејсбук