Битола, 5 ноември 2025 (МИА) – Фудбалерите на Вардар се вратија на чело на табелата во Првата македонска фудбалска лига (ПМФЛ), откако вечерва го совладаа Пелистер на гостувањето во Битола со 2-1 во завршниот натпревар од 12 коло.

Вардар на дербито на стадионот „Петар Милошевски“ дојде во водство со голот на Мато во 54 минута, а победата на „црвено – црните“ им ја донесе Закариќ од пенал во 82 минута, откако претходно Петковски донесе израмнување на резултатот во 60 минута.

Претходно денеска, АП Брера и Силекс ремизираа 3-3 во Струмица.

Резултати – 12 коло:

Пелистер – Вардар 1-2

АП Брера – Силекс 3-3

Македонија ЃП – Струга 0-2 (вторник)

Работнички – Тиквеш 0-2 (вторник)

Арсими – Башкими 4-2 (понеделник)

Табела: Вардар 30, Струга 29, Шкендија 24 (-1), Силекс 22, Башкими 19, АП Брера 16, Арсими 15, Македонија ЃП 14, Тиквеш 12, Пелистер 8, Работнички 7, Шкупи 1 (-1).ег

ФОТО: ФФМ