Неапол, 28 февруари 2024 (МИА) - Тренерот на Милан, Стефано Пиоли е фаворит на претседателот на Наполи, Аурелио Де Лаурентис да стане нов шеф на Наполи, според италијанскиот весник „Ил Матино“.

Се очекува Наполи да назначи нов тренер за сезоната 2024/2025, освен ако привремениот тренер Франческо Калцона не успее да заврши меѓу првите четири оваа кампања.

Пиоли, како и тренерот на Фиорентина, Винченцо Италијано, се водечки кандидати за преземање во текот на летото, но се чини дека шефот на Милан е во подобра позиција.

Договорот на Стефано Пиоли со Милан истекува во јуни 2025 година, но се погласни се информациите дека двете страни ќе ја прекинат соработката по крајот на сезоната.дс

Фото: Архива