Братислава, 15 јуни 2023 (МИА) - Новата техничка влада на Словачка денеска не ја доби поддршката од Парламентот на задолжителното гласање доверба, само еден месец откако стапи на функција.

Од 136 присутни пратеници во Парламентот, со 150 пратенички места, 34 ја поддржаа владата, а 43 гласаа против.

Според словачкиот закон, кога новата влада ќе стапи на должност, Парламентот мора да гласа за доверба на извршната власт во рок од 30 дена.

Словачката претседателка Зузана Чапутова, пред која владата предводена од Лудовит Одор положи заклетва на 15 мај, сега мора да биде разрешена од должноста.

Истовремено, таа ќе побара од владата да остане на функција во технички мандат до формирање на нова, по вонредните избори на 30 септември, соопшти кабинетот на словачкиот претседател.

Словачка е без влада во полн капацитет од 15 декември, кога Парламентот на иницијатива на опозицијата му изгласа недоверба на коалицискиот кабинет на премиерот Едуард Хегер, по неколкумесечна политичка криза.

Чапутова првично побара од Хегер да раководи со преодната влада до предвремените избори, но тој поднесе оставка на 7 мај, по повлекувањето на неколку министри.

Чапутова потоа се одлучи за техничката влада на Одор, која требаше да управува со земјата до септемвриските избори.

-Анкетите покажуваат дека левичарската партија Смер на Фиц би можела да победи на претстојните избори, пренесе Бета. мс/јт/

фото: МИА архива