Газа, 20 ноември 2024 (МИА)  - Палестинците во северните делови на Газа не добиваат хуманитарна помош веќе 40 дена и се соочуваат со се потешки услови за опстанок, предупредија денеска Обединетите нации.

ОН соопштија дека сите нивни обиди да им дадат поддршка и помош на 65.000 до 75.000 жители на Беит Ханун, Беит Лахија и Џабалија во текот на овој месец биле спречени или оневозможени, поради што морале да ги затворат кујните и пекарите, објави денеска Би-Би-Си. .

На почетокот на овој месец, според проценките на ОН, постои голема веројатност областите на северот на Газа да се во непосредна опасност од глад. ссм/

фото: архива