Скопје, 10 ноември 2022 (МИА) - Обединетата македонска дијаспора (ОМД) ја објави овогодинешната листа на добитници на наградата од македонската дијаспора 40Under40 - иницијатива за промоција на поединечни успешни млади Македонци на глобално ниво кои се градат и успеваат во нивните заедници и професии. Како што наведуваат од ОМД, наградата ги истакнува професионалците во различни области и деловни сектори, вклучувајќи технологија, бизнис, недвижнини, медицина, финансии, настава, уметност, право и влада. -Повеќе од еден век Македонците ја напуштаат нашата татковина за подобар живот. Нашите луѓе се трудољубиви и оставаат трага во општеството. Соодветно е ОМД да ги препознае нашите како примери во нивните заедници, како и за идните генерации Македонци. Во име на Одборот на ОМД, им честитам на сите наши 40 добитници оваа година и со нетрпение очекувам сите заедно да се здружиме во иднина во корист на македонската заедница во целина, рече Арџи Белио, претседател на ОМД. Овогодинешните добитници на наградата 40Under40 се: Александра Марку, Андреј Ристески, Ангела Каланоска, Даниеле Зафировски, Климент Цоцески, Маја Гринтал, Мара Ливези, Мартин Савески, Петар Стефанович, Ведуд Пурде, Ана Оринова, Борче Сугаревски, Даниел Пелусо, Елени Коровеш, Габриела Димитриевски, Јован Камчев, Јулија Палиаре, Маја Стефановска, Тони Коцевски, Виктор Николов Александра Димитриевски, Благојче Јовчески. На листата се и Даниел Крлески, Дејан Гавриловски, Дијана Јакимоски, Елена Стефаноски, Елеонора Ѓорова, Филип Чичевалиев, Весна Дејановска, Виктор Герасимовски, Адам Шол, Андријана Заровска-Топаловиќ, Блер Битов, Горѓи Попстефснов, Никол Бритен, Никола Ник Царовски, Никола Стефоски, Пол Костоф, Симона Гроздановска и Стефани Гашинг. Со овогодинешната листа, ОМД досега препозна и прослави 280 Македонци ширум светот, меѓу кои Крис Павловски, Ник Илич, д-р Јован Ласковски, Џена Битов, и други, наведуваат од организацијата на македонската дијаспора. вг/ац/ Линкови кон добитниците: https://umdiaspora.org/2022/09/21/202240under40first10/ https://umdiaspora.org/2022/09/28/202240under40second10/ https://umdiaspora.org/2022/10/05/202240under40third10/ https://umdiaspora.org/2022/10/19/202240under40final10/