Ново осветлување на две локации во Кавадарци
Кавадарци, 3 април 2023 (МИА) - Ново осветлување е поставено на две локации во Кавадарци, информираа денеска од кабинетот на кавадаречкиот градоначалник Митко Јанчев.
- Поставени се нови канделабри на патеката на паркот „Киро Крстев" и на улицата „Дисанска". Општина Кавадарци континуирано работи на уште подобро и ново улично осветлување. Канделабрите се донација од компанијата „Кожувчанка", а беа поставени од јавното претпријатие „Паркинг", соопштија од кабинетот на Јанчев.
Нагласуваат дека Општината континуирано вложува во проекти, како во урбаните, така и во руралните месни заедници. свд/цр
Фото : МИА
