Најмалку еден загинат во индиски ракетен напад во Кашмир
Исламабад, 13 ноември 2020 (МИА) - Најмалку еден цивил загина, а тројца се повредени во индиски ракетен напад во регионот Кашмир, соопшти денеска пакистанската армија, која одговори на нападот. Размената на огнот започна синоќа.
Пакистанската армија соопшти дека индиската страна го прекршила примирјето.
Кашмир е поделен на индиски и пакистански дел, а двете земји тврдат дека имаат право на целата област.
Тој територијален спор доведе до две војни меѓу Индија и Пакистан по нивната независност во 1947 година. паг/
