Скопје, 16 јануари 2025 (МИА) - Утрово времето е студено со појава на магла по одделни котлини. Преку ден ќе биде променливо облачно, наместа со услови за провејување на слаб снег.

Минималната температура ќе биде во интервал од -6 до 1, а максималната ќе достигне од -1 до 7 степени.

Во Скопје, наутро студено со појава на слаба магла, преку ден претежно облачно и тивко. Минималната температура ќе се спушти до -3, а максималната ќе достигне 4 степени.

Според прогнозата на УХМР, од петок ќе преовладува стабилно време со пораст на дневните температури.

-Утринските температури насекаде ќе бидат под нула, а наместа ќе се спуштат и под -10 степени. По котлините ќе има појава на магла и пониски дневни температури, соопшти Управата за хидрометеоролошки работи. хс/бак/

Фото: МИА архива