Над 100 нови паркинг места и нови улици во населбата „11 Октомври - згради“

Од Општина Кисела Вода информираат дека финализираат градежните активности кои во изминатиов период се одвиваа во урбаниот дел на општината. Жителите на населбата „11 Октомври згради“, како што се наведува во денешното соопштение, добија преку 100 нови паркинг места со изградбата на нови и реконструкција на постоечките паркинг места.

Од Даниела Маркоска-Алексовска

16:00, 27 март, 2023

Над 100 нови паркинг места и нови улици во населбата „11 Октомври - згради“

Скопје, 27 март 2023 (МИА) - Од Општина Кисела Вода информираат дека финализираат градежните активности кои во изминатиов период се одвиваа во урбаниот дел на општината. Жителите на населбата „11 Октомври - згради“, како што се наведува во денешното соопштение, добија преку 100 нови паркинг места со изградбата на нови и реконструкција на постоечките паркинг места.

- Едновремено, Општина Кисела Вода работеше и на реконструкција на улиците, а ги реконструираше и пристапните рампи до влезовите и изгради пешачки патеки. Продолжуваме со силно темпо, решаваме децениски проблеми и работиме на места каде што никој во минатото не интервенирал, бидејќи Кисела Вода мора да биде модерна и напредна општина, истакна градоначалникот Орце Ѓорѓиевски, кој денеска изврши увид во завршните градежни активности во урбаната зедница „11 Октомври - згради“.

Тој посочи дека се комплетираат градежните зафати кои во изминатиов период се одвиваа во урбаниот дел на Кисела Вода.

- Изградивме нови паркинзи кои се од исклучителна важност за жителите кои живеат во овој дел од општината, но ги реконструиравме и постоечките. Работевме и на реконструкција на улиците. Речиси за првпат после земјотресот, краците на ,,Ѓорѓи Сугаре” добија нов асфалт, како и крак на ,,Михаил Чаков”, а ги реконструиравме и дел од сервисните улички. Во овој зафат, не изостана ниту грижата за уредувањето на урбаниот лик и затоа ги реконструиравме и пристапните рампи до влезовите и изградивме пешачки патеки. Паралелно работиме и на други позиции со цел рамномерно развивање на Кисела Вода и унапредувањето на условите за живеење на мојот народ, истакна градоначалникот Ѓорѓиевски. дма/сп/

Фото: Општина Кисела Вода