Софија, 18 јуни 2023 (МИА) - Над сто автомобили и мотоцикли беа прикажани на четвртата ретропарада во Перник, организирана од автомобилскиот ретро клуб „Авангард класик“.

Ова е веста на денот од Република Бугарија, избрана на Бугарската телеграфска агенција (БТА) за објавување од МИА, согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат директно избрана од другата агенција вест на денот на соодветната земја, а другата агенција да ја објави на својот интернет сајт без промени со изрично посочување и цитирање на партнерот како извор.

Настанот беше организиран со поддршка на општина Перник и премина под покровителство на градоначалникот Станислав Владимиров.

Љубителите на класичните автомобили имаа можност да видат и да се сликаат со различни брендови од целиот свет – американски, европски, јапонски, како и автомобили од поранешниот социјалистички блок. Меѓу нив беа Mercedes, Opel, Ford Mustang, Volvo, Renault, Dodge, Buick, како и познатите Volga, Moskvich, Lada и Trabant. Најстариот автомобил на парадата беше DeSoto од 1928 година.

Ретро парадата ја отвори Мартин Жљабинков – секретар на општина Перник, кој им се заблагодари на учесниците и им посака успех.

На учесниците на настанот им беа доделени многу награди од организаторите и спонзорите. Големата награда – градоначалнички пехар на општина Перник ја врачи Стефан Крастев – заменик градоначалник на општината. Наградата ја доби автомобил Пакард од 1938 година со сопственик Георги Манев. Возилото е и дебитант во винтиџ парадата. Автомобилот, кој е совршено сочуван, го реставрира Ивајло Маринов од Перник и неговиот тим и беше една од најголемите атракции за гледачите кои трпеливо чекаа да го допрат.

Купот за автомобил Перник му беше доделен на Волга ГАЗ 21 на Георги Најденов од 1968 година. Голф купот му беше доделен на Владимир Маринов со Голф 2 од 1988 година. Титулата на социјалистички автомобил ја освои Марина Карс со VAS 2103 од 1979 година. Мотоциклот на парадата беше Иж 49 од 1958 година на Јасен Стаменов. Својата награда ја додели и публиката, а таа му припадна на Димитар Апостолов со Голф 2. Беа доделени уште шеснаесет специјални награди – репродукции на сликата што ја красеше целата комуникациска кампања на настанот и го претставија минатогодишниот победник, како и симболи за Перник. Оригиналот на делото, чиј автор е Влади Касабов, беше продаден и на онлајн аукција, на која победи Владимир Димитров – еден од организаторите на парадата. Димитров посака сликата да му ја подари на градот и да ја чува како спомен за сите жители и гости на Перник, изложувајќи ја во зградата на Дирекцијата за рударство.

Алејата на класиците и годинава се наоѓаше околу централната на градскиот плоштад и првпат имаше меѓународно учество на автомобили од Северна Македонија и Србија.

„Алејата на класиците“ се одржа по четврти пат. Настанот стана непроменлив дел од активниот живот на Перник и еден од очекуваните настани за познавачите на автомобили во рударскиот град.

_________________________________________________________________________

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА