Лина Ѓорческа се пласираше во четвртфиналето на фјучерсот во Чешка
Оломоуц, 21 јули 2022 (МИА) - Македонската тенисерка, Лина Ѓорческа се пласираше во четвртфиналето на ИТФ Фјучерот во Чешка.
Ѓорческа успеа да извојува победа против петата носителка, Алиона Болсова од Шпанија со 2-0 во сетови (6-2, 6-4).
Првиот сет македонската тенисерка го доби со 6-2, а по поголема борба во вториот сет, успеа да ја извојува и победата од мечот.
Во четвртфиналето најдобрата македонска тенисерка ќе игра со победникот од мечот меѓу Швајцарката Кони Перин и Американката Ема Наваро. ар/аа/
