• петок, 16 февруари 2024

Лавров: Создавање на Каспискиот совет ќе ја зајакне регионалната соработка

Лавров: Создавање на Каспискиот совет ќе ја зајакне регионалната соработка

Москва, 5 декември 2023 (МИА) – Создавање на Каспискиот совет може да помогне за понатамошно зајакнување на регионалната соработка, изјави рускиот министер за надворешни работи Сергеј Лавров на средбата со највисоките дипломати на Азербејџан, Иран, Казахстан и Туркменистан.

- Денес можеме со сигурност да кажеме дека соработката во Каспискиот регион достигна високо ниво, но потребни се дополнителни напори за подобрување на квалитетот на петнасочната интеракција и зајакнување на нејзините основи на меѓународно ниво, истакна Лавров на средбата на Советот на министри за надворешни работи на касписките земји.

На маргините на средбата, шефот на руската дипломатија разговараше со министерот за надворешни работи на Азербејџан Џејхун Бајрамов за формирање на регионалната платформа „3+3“ за транскавкаски прашања.

- Иницијативата на Алиев за формирање на таканаречената регионална платформа „3+3“, три јужнокавкаски земји и нивните три соседи, веќе се обликува. Ова е исто така ветувачки формат, ќе ми биде драго да ги слушнам вашите коментари за понатамошните чекори во таа насока, рече тој на средбата во Москва.

Министерот за надворешни работи на Азербејџан Џејхун Бајрамов истакна дека важен елемент на дијалогот со Москва е прашањето за регионалната безбедност и „постконфликтната нормализација“ на односите меѓу Баку и Ереван.

- Мислам дека денеска ќе имаме можност да поминеме низ низа значајни проекти – билатерални и регионални, во економската сфера … Ќе разговараме и за пошироките регионални формати „3+3“ 2, рече Бајрамов.

Форматот вклучува учество на Русија, Иран, Ерменија, Азербејџан, Турција и Грузија, но Тбилиси најави дека не планираат да учествуваат во иницијативата.

Првиот состанок на групата се одржа во декември 2021 година во Москва, но не на министерско ниво, туку на ниво на заменици министри за надворешни работи на Руската Федерација, Азербејџан, Ерменија, Турција и генералниот директор за конзуларни прашања на Министерството за надворешни работи на Иран.

Следниот состанок на министрите за надворешни работи во формат 3+3 ќе се одржи во Турција во првата половина на 2024 година. јт/

Фото: МИА архива

Остани поврзан