• недела, 26 мај 2024

Доживотен затвор за убиец од Кочани

Доживотен затвор за убиец од Кочани

Скопје, 18 април 2024 (МИА) - По поднесено обвинение од Основното јавно обвинителство Кочани, а по признание на вина, Основниот суд во Кочани донесе осудителна пресуда за едно лице за кривично дело „убиство“ извршено при родово базирано насилство и на свиреп начин, при што за сторителот е изречена казна доживотен затвор.

Како што соопштија денеска од Јавното обвинителство на Република Северна Македонија, обвинетиот, на 25.09.2023 година на свиреп начин лишил од живот жена, нанесувајќи и многубројни убоди со нож.

- Во обвинението, Основното јавно обвинителство Кочани го товареше обвинетиот и за кривично дело „уцена“ кон истата оштетена, сторено пред убиството. Меѓутоа тоа дело обвинетиот не го призна, постапката е раздвоена и за тој дел од обвинението ќе продолжи судска постапка, се додава во соопштението. цр/бак/

Фото: МИА архива

Остани поврзан