Милано, 25 јануари 2023 (МИА) - Напаѓачот на Милан, Златан Ибрахимовиќ откри што мисли за времето кога играше во француската лига.

- Ја сакам Франција, поминав четири години таму и го подигнав францускиот фудбал на светско ниво. Ова не е ароганција, ова е самодоверба, го цитира Ибрахимовиќ „Фудбал Италија“.

Тој исто така зборуваше за неговиот став кон фактот дека францускиот тим не го освои Светското првенство во Катар пред еден месец.

Не сум загрижен за тоа, Франција дефинитивно ќе освои уште едно Светско првенство, но овој пат бев сигурен дека Аргентина ќе победи, додаде играчот.

Ибрахимовиќ играше за ПСЖ од 2012 до 2016 година. Како дел од тимот, тој стана четирикратен француски шампион, двократен победник на Купот на Франција, три пати го освои Суперкупот и францускиот Лига куп. зс/