Скопје, 12 јули 2024 (МИА) - Зголемена е фреквенцијата на возила за влез и излез од државата на граничниот премин Табановце. На останатите гранични премини од македонска страна, нема подолги задржувања, информираат од АМСМ.

Од 9 јули на десната коловозна лента на автопатот Скопје-Куманово извршена е времена измена на режимот на сообраќај во должина од 1000 м пред населеното место Миладиновци до самото место, при што сообраќајната лента за принудно запирање и сообраќајната лента за возење се затворени, додека сообраќајот се одвива по левата сообраќајна лента за преткнување.

Сообраќајот на останатите државни патишта се одвива непречено, по суви коловози.

Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. вг/нд/

Фото: МИА Архива