Емирот на Катар го критикува Израел за „геноцид“ во Газа
- Катарскиот емир Тамим бин Хамад изјави дека самоодбраната не го оправдува, како што го опиша, „геноцидот извршен од израелските сили во Појасот Газа“, пренесува ДПА.
![Емирот на Катар го критикува Израел за „геноцид“ во Газа](https://mia.mk/images/20231205135330_big_730x400_87.webp )
Каиро, 5 декември 2023 (МИА) – Катарскиот емир Тамим бин Хамад изјави дека самоодбраната не го оправдува, како што го опиша, „геноцидот извршен од израелските сили во Појасот Газа“, пренесува ДПА.
- Самоодбраната не се однесува на окупацијата, според меѓународното право, и не дозволува геноцидни злосторства извршени од Израел, рече тој обраќајќи се на самитот на Заливот во Доха.
Тој рече дека израелските сили „ги прекршиле сите религиозни, етички и хуманитарни вредности … со извршување на злосторства против човештвото“.
Катарскиот емир ги повика Обединетите нации да спроведат меѓународна истрага за „масакри извршени од израелските окупациски власти врз палестинскиот народ“. јт/
Фото: Х