Дибала објасни зошто го прослави голот на Рома против Јувентус за кој настапуваше седум години
- Напаѓачот на Рома, Пауло Дибала, им се обрати на навивачите на Јувентус кои го критикуваа Аргентинецот за славењето на триумфот над неговиот поранешен тим во 25. коло од Серија А.
![Дибала објасни зошто го прослави голот на Рома против Јувентус за кој настапуваше седум години](https://mia.mk/images/20230306130010_big_730x400_11.webp )
Рим, 6 март 2023 (МИА) - Напаѓачот на Рома, Пауло Дибала, им се обрати на навивачите на Јувентус кои го критикуваа Аргентинецот за славењето на триумфот над неговиот поранешен тим во 25. коло од Серија А.
- Знам дека ви е тешко, но денес играм за друг тим и со различни партнери, кои морам да ги почитувам! Победата никогаш не е лесна, тоа ни беше важно. Ја прославив победата со другарите. На сите ви испраќам голема прегратка и ве сакам, стои во обраќањето на Дибала, кон фановите на „Старата Дама“.
Дваесет и деветгодишниот напаѓач минатото лето се пресели во Рома. Претходно седум сезони играше за Јувентус.
Дибала оваа сезона одигра 18 натпревари во Серија А, постигнувајќи осум гола и седум асистенции. зс/
Фото: ЕПА