• сабота, 17 февруари 2024

Делегација на Општина Дебар на одбележување на Денот на албанската независност и знамето во Тирана

Делегација на Општина Дебар на одбележување на Денот на албанската независност и знамето  во Тирана

Дебар, 28 ноември 2023 (МИА) - Делегација на општина Дебар, предводена од градоначалникот Хекуран Дука, во Тирана, учествува на одбележувањето на 111- годишнината од независноста на Албанија и Денот на знамето.

- Свечен и срдечен пречек во Палатата на бригадите од градоначалникот на Тирана Ерион Велиај по повод 28 ноември Денот на независноста и знамето. Да славиме и да си честитаме сè додека трае животот, напиша Дука во објава на Фејсбук.

Освен делегацијата на општината на одбележувањето на денешниот ден, кога во Валона, во 1912 година, е прогласена независноста на Албанија и развиорено националното знаме присуствуваат и поголем број дебрани.

Тие ќе учествуваат на "Парадата на Албанците" под мотото "Црвено-црните корени" што по првпат се одржува во Тирана.

Во културно-уметничката програма, меѓу 150 фолклорни ансамбли и групи, ќе учествува и КУД „Голем Дебар" (Dibra e madhe) под раководство на дебарскиот бизнисмен Миче Дука. 

Инаку, вчера со повеќе активности Денот беше одбележан во Дебар. вт/ир


Фото: Дука ФБ

Остани поврзан