Нотингем, 21 октомври 2025 (МИА) - Нотингем Форест денес го објави назначувањето на Шон Дајч за главен тренер.

Договорот на 54-годишникот е до летото 2027 година.

Последната менаџерска позиција на Дајч беше Евертон, од која си замина во јануари. Пред тоа, тој ги водеше и Барнли и Вотфорд. 

Како играч, Англичанецот играше за младинскиот тим на Нотингем Форест.

Дајч е третиот менаџер на Нотингем Форест оваа сезона. Клубот ги отпушти Нуно Еспирито Санто во септември и Ангелос Постекоглу во октомври, по нешто повеќе од еден месец на таа позиција. зс/

Фото: ЕПА