Њујорк, 25 август 2025 (МИА) – Генералниот секретар на Обединетите нации, Антонио Гутереш, силно го осудува убиството на Палестинците во израелските напади кои ја погодија болницата Насер во Газа и повикува на брза и непристрасна истрага, изјави денеска портпаролот на Гутереш, Стефан Дижарик.

Тој рече дека Гутереш истакнал оти цивилите, вклучувајќи го медицинскиот персонал и новинарите, мора да бидат почитувани и заштитени во секое време.

Палестински здравствени претставници соопштија дека во израелскиот напад на болницата Насер биле убиени најмалку 20 лица, меѓу кои пет новинари, спасувачи и здравствени работници. јт/

Фото: ЕПА