Градоначалникот Стојанов организираше прием за младите фудбалери на ГФК ,,Неготино"
- Градоначалникот Горан Стојанов денеска организираше прием за младите фудбалери на ГФК Неготино, информираа од прес службата при неготинската локална самоуправа.
![Градоначалникот Стојанов организираше прием за младите фудбалери на ГФК ,,Неготино](https://mia.mk/images/20230306145226_big_730x400_65.webp )
Неготино, 6 март 2023 (МИА) - Градоначалникот Горан Стојанов денеска организираше прием за младите фудбалери на ГФК Неготино, информираа од прес службата при неготинската локална самоуправа.
- Тие беа дел од Меѓународниот фудбалски турнир ,,Петрич куп 2023", во Бугарија. Клубот се натпреваруваше со две генерации, 2009/2010 и генерација 2014 година. Генерацијата 2014 го освои Петрич купот, прво место. Најдобар голман на турнирот за оваа генерација беше Дане Думов, соопштија од Службата за односи со јавноста при Општината.
![](/articles/images/градоначалникот-стојанов-организираше-прием-за-младите-фудбалери-на-гф_8PRaQ/h9DV7ylnq/placeholder.webp?use_watermark=1)
Генерацијата 2009/2010 освоила четврто место. Најдобар стрелец во оваа генерација бил Петар Смилков.
- Пет дена во Петрич, Бугарија, фудбалерите достојно и на најдобар можен начин го претставија градот Неготино и фудбалскиот клуб.Во разговор со шампионите, градоначалникот им посака уште поголеми успеси, бидејќи овие млади фудбалери се иднината на фудбалот во Неготино, а Општината ќе продолжи и во иднина да дава поддршка на сите спортски клубови, информираа од прес службата при локалната самоуправа. свд/дма/
фото : Општина Неготино