Новаци, 18 март 2022 (МИА) - Градоначалникот на Општина Новаци Стевче Стевановски заедно со стопанственици од различни индустриски гранки присуствуваат на економски форум кој го организираа Стопанската комора Сакариа Сатсо во Адапазари, Турција. Од секторот за односи со јавност на Општина Новаци информираат дека градоначалникот Стевановски се сретнал и со Акгул Алтуг, претседател на тамошната Стопанска комора. -Пред присутните стопанственици ја претставив Општина Новаци, географската местоположба, природните богатства, ресурсите, капацитетите и можностите за инвестиции. Посебно ја презентиравме Индустриската зона Новаци која на заинтересираните инвеститори може да им понуди 20 хектари земјиште распределено на 15 парцели, истакна Стевановски во Адапазари. Наскоро во Општина Новаци ќе престојуваат турски бизнисмени кои ќе ги организира Стопанската комора Сакариа Сатсо, најави Акгул Алтуг, претседателот на тамошната комора која има 15.000 членови од нив, 2.000 фирми се занимаваат со тешка индустрија. Градоначалникот на Општина Новаци Стевче Стевановски оствари директна средба и со градоначалникот на Општина Беледије, Мутлу Исиксу. мт/мд/