Василево, 28 ноември 2025 (МИА)-Градоначалникот на Општина Василево, Славе Андонов, ги започна средбите со граѓаните по населените места за планирање и креирање на буџетот на Општина Василево за 2026 година.

Првата средба се одржа во селото Нова Маала, а в понеделник, на 1 декември, планирана е средба со жителите на Радичево. Во среда, на 3 декември, планирана е, пак, средба со жителите на Пиперево.

-Во Општина Василево, процесот на планирање на буџетот е целосно отворен, ги слушаме вашите идеи, предлози и приоритети, затоа што најдобро знаете што е најпотребно во вашата улица, маало и населено место. Нашата цел е секој денар да биде мудро вложен-во инфраструктура, образование, комунални услуги, развој и подобар живот за сите. Одговорноста кон граѓаните е наша највисока обврска. Заедно го градиме Василево модерен, уреден и уште подобар дом за сите, се наведува во пренесената изјава на градоначалникот Андонов.

Во насока на транспарентност и сеопфатна вклученост на граѓаните во планирањето на Буџетот Општина Василево на својата веб страница креираше и посебна алатка за учество на граѓаните во овој процес, преку која сите заинтересирани граѓани можат да ги достават своите предлози и идеи за проекти за наредната година.рт/бк/

Фото: Општина Василево