Германија предупредува на „реален“ ризик од исламистички напади поради војната меѓу Израел и Хамас
- Шефот на разузнавањето во Германија денеска предупреди дека ризикот од исламистички напади е „реален и поголем отколку што беше веќе долго време“ поради конфликтот меѓу Израел и Хамас.
![Германија предупредува на „реален“ ризик од исламистички напади поради војната меѓу Израел и Хамас](https://mia.mk/images/20231129133046_big_730x400_5.webp )
Берлин, 29 ноември 2023 (МИА) - Шефот на разузнавањето во Германија, Томас Халденванг денеска предупреди дека ризикот од исламистички напади е „реален и поголем отколку што беше веќе долго време“ поради конфликтот меѓу Израел и Хамас.
„Сега се појавува нов квалитет - гледаме повици во џихадистичките спектри за напади и Ал Каеда и ИД да се вклучат во конфликтот на Блискиот Исток“, нагласи Халденванг.
Тој додаде дека властите ја зајакнуваат безбедноста на еврејските институции и големите настани. рп/
Фото: МИА архива