Германија апелира Израел „поефикасно да ги заштити“ цивилите во Рафа
- Портпаролот на германското Министерство за надворешни работи, Кристијан Вагнер изјави дека постои голема загриженост за ситуацијата во Рафа и го повика Израел „поефективно да ги заштити“ цивилите во градот Рафа во јужниот дел на Појасот Газа
![Германија апелира Израел „поефикасно да ги заштити“ цивилите во Рафа](https://mia.mk/images/20240212171814_big_730x400_11.webp )
Берлин, 12 февруари 2024 (МИА) – Портпаролот на германското Министерство за надворешни работи, Кристијан Вагнер изјави дека постои голема загриженост за ситуацијата во Рафа и го повика Израел „поефективно да ги заштити“ цивилите во градот Рафа во јужниот дел на Појасот Газа.
Тој додаде дека Израел требало да покаже каде и како овие луѓе ќе бидат заштитени пред големиот напад врз Хамас во Рафа.
Вагнер посочи и дека шефицата на германската дипломатија Аналена Бербок на 14 февруари ќе отпатува во дводневна посета на Израел.
Претходно, Палестинската новинска агенција ВАФА објави дека повеќе од 100 луѓе загинале, а стотици се повредени во израелските напади врз градот. ми/
фото: МИА архива