Неготино, 1 ноември 2024 (МИА) - Благодарници вечерва добија сите учесници во еколошката акција Генералка викенд во Неготино, информираа од Службата за односи со јавноста при неготинската локална самоуправа.  

- Оваа година во Општина Неготино во соработка со „Мен енд Маунтен“, првпат се спроведе тридневна масовна еколошка акција, во која се вклучија стотици волонтери, кои расчистуваа на повеќе локации во Општината. Во знак на почит и внимание, секретарката на Општина Неготино, Марија Нацева им додели благодарници на сите кои дадоа сопствен придонес за успешно спроведување на акцијата, соопштија од Службата за информирање при Општината. 

Оттаму информираат дека ќе се организира и масовна акција за садење на дрвја во соработка со „Мен енд Маунтен“, Министерството за земјоделство, шумарство и водостопанство и Национални шуми, со намера акцијата да се спроведе на опожарениот простор на планината Серта од неготинска страна.свд/бт/

Фото : Општина Неготино