Велика Британија ја повика израелската амбасадорка во врска со смртта на хуманитарните работници во Газа
Лондон, 2 април 2024 (МИА) - Велика Британија денеска ја повика израелската амбасадорка во Лондон, Ципи Хотовели, во врска со нападот во кој загинаа хуманитарни работници во Појасот Газа.
Во израелски воздушен напад вчера загинаа седум лица кои работеа во Газа за добротворната организација „Светска централна кујна“ на познатиот готвач и ресторан Хозе Андрес.
„Во име на Владата, силно го осудувам ужасното убиство на седуммина хуманитарни работници од „Светската централна кујна“, меѓу кои и тројца британски државјани. Повикав на брза и транспарентна истрага, споделена со меѓународната заедница и барање целосна одговорност“, изјави британскиот министер за развој и за Африка, Ендрју Мичел.
Во исто време, британскиот министер за надворешни работи Дејвид Камерон на социјалната платформа „Икс“ напиша дека разговарал со неговиот израелски колега Израел Кац. рп/
Фото: МИА архива
