Софија, 21 ноември 2023 (МИА) – Бугарското обвинителство бара од Русија да испорача тројца офицери на руската воена контраразузнавачка служба (ГРУ) обвинети во Бугарија за труењето со Новичок на најпознатиот бугарски производител и дилер на оружје Емилијан Гебрев, неговиот син Хрис Гебрев и директорката на производство во компанијата Емка Валентина Тахчијева.

Барањето е поднесено од градското обвинителство на Софија, кое води истрага против тројца руски воени оперативци за обид за убиство.

Барањето на Бугарија е само протокол, со оглед на тоа што Уставот на Русија забранува екстрадиција на руски државјани, без оглед на стореното кривичното дело во странство.

Бугарија бара екстрадиција на Сергеј Федотов, Георги Горшков и Сергеј Павлов, оперативци на ГРУ. Федотов е на списокот осомничени и за труењето со Новичок на двојниот агент Сергеј Скрипал во англискиот град Солсбери во 2018 година.

Обвинителството тврди дека труењето на тројцата Бугари било извршено бидејќи рачките на вратите од автомобилот на Емилијан Гебрев биле контаминирани со Новичок.

Во исто време, обвинети сè уште шест руски разузнавачи за четири експлозии во бугарски воени магацини во изминатите 12 години. ми/

фото: МИА архива