Келн, 27 јуни 2024 (МИА) - Џуд Белингем ги повика своите соиграчи од Англија да заборават на негативните поддржувачи, а истовремено ги пофали навивачите кои ги извлекоа од тешката ситуација против Словенија. И покрај тоа што добија многу критики за нивните настапи на Евро 2024 досега, Трите лава ја освоија групата Ц и го избегнаа потешкиот тек на турнирот.

Навивачите ја исвиркаа Англија по лошиот настап против Данците и го следеа примерот по резултатот во Словенија, со фрлени чаши за пиво во насока на менаџерот Герет Саутгејт, кој оттогаш повика гневот на навивачите да биде насочен кон него, а не кон неговите играчи.

Сепак, Белингем зборуваше за позитивното влијание што навивачите во Келн го имаат врз него и сака да ги награди со подобар настап.

-Мислам дека дефинитивно добивате енергија од нив кон крајот на натпреварите. Го почувствував последниот натпревар кога бев апсолутно мртов, но кога ќе ги слушнете како пеат и скандираат, можете повторно да играте на ниво. Да, ова ниво не е наше најдобро, нормално е, може да се случи. Но, мислам дека важно е кога го носиш тој амблем и ги претставуваш тие фанови, не се откажуваш. Очигледно треба да продолжиме да ја користиме таа енергија, да го користиме чувството што го добиваме од нив за да бидеме успешни на овој турнир, рече Белингем.

Тој инсистира на тоа дека Англија нема да му пристапи на осминафиналето со Словачка како лесна игра. Шпанија, Германија, Португалија, Франција и Белгија се на другата страна на ждрепката, што значи дека Англија ќе го избегне тој квинтет до конечното финале во Берлин на 14 јули. Наместо тоа, тимот на Саутгејт се враќа во Гелзенкирхен во недела навечер за да се соочи со Словачка, која напредуваше како една од најдобрите третопласирани селекции од групната фаза. Победа би ја однела Англија во четвртфиналето против Италија или Швајцарија, но засега Белингем инсистира дека тимот нема лесно да го прифати предизвикот на Словачка.

-Секогаш ќе имате тешки натпревари во оваа фаза од турнирот. Луѓето очигледно ќе погледнат во Словачка и ќе мислат дека ќе биде лесен натпревар, но дефинитивно не е. Тие ќе бидат поинаков вид на закана, различен тим што треба да се надмине. Ќе биде интересен натпревар, уверени сме дека имаме доволно потенцијал за победа. Знам дека перформансите досега не беа толку добри како што можеше да бидат во првите три натпревари, но ова е одлична можност за нас да се вратиме на нивото на кое треба да бидеме, заклучи Белингем. дс

Фото: Архива