Вашингтон, 27 јануари 2025 (МИА) – Израел и Либан се согласија да го продолжат примирјето до 18 февруари, соопштија американските власти.

Според соопштение на Белата куќа, функционери од Либан, Израел и САД треба да почнат преговори за враќање на заробениците од ескалацијата на конфликтот на 7 октомври 2023 година.

Израел и либанската милиција Хезболах се договорија за прекин на огнот на крајот на ноември по повеќе од една година конфликт. САД се дел од групата земји кои имаат задача да го надгледуваат почитувањето на примирјето. јт/

Фото: МИА архива