Скопје, 17 мај 2024 (МИА) - Агенцијата за примена на јазикот на Република Северна Македонија во соработка со Институтот за демократија „Социетас цивилис“ – Скопје (ИДСЦ) и со поддршка на Мисијата на ОБСЕ во Скопје ќе изврши теренска анкета.

Анкетата ќе биде спроведена од мај до август 2024 преку анкетен прашалник и поврзана со примената на Законот за употреба на јазиците во сите органи на државната власт во Република Северна Македонија.

-Поточно, во централните институции, јавните претпријатија, агенциите, дирекциите, установите и организациите, комисиите, правните лица кои вршат јавни овластувања согласно закон и други институции, како и во единиците на локалната самоуправа каде што се користи јазикот кој го зборуваат најмалку 20 проценти од граѓаните, соопшти Агенцијата за примена на јазикот на Република Северна Македонија. хс/са/ 

Фото: принтскрин