Shkup, 20 prill 2025 (MIA) - Besimtarët ortodoksë sot e festojnë festën më të madhe krishtere - Pashkët - Ringjalljen e Krishtit, ditën kur Jezu Krishti e dëshmoi fuqinë e vet hyjnore dhe u ringjall nga të vdekurit. Ringjallja e Krishtit në mesnatë u kumtua në të gjithë tempujt e Kishës ortodokse maqedonase, ndërsa sot mbahen liturgji ringjalljeje.

Kreu i KOM-AO, z.z. Stefan kreu shërbesë fetare në Kishën kryesore "Shën Klimenti i Ohrit" në Shkup prej ku e kumtoi Ringjalljen e Krishtit dhe dërgoi porosi Pashkësh.

Këtë vit, Pashkët, krahas ortodoksëve, në të njejtënm ditë i festojnë edhe besimtarët katolikë. Përputhja e këtillë nuk ndodhë shpesh, sepse kisha lindore dhe ajo perëndimore përdorin kalendarë të ndryshëm (julian dhe gregorian), por këtë vit datat përputhen. Festimi i fundit i Pashkëve në të njejtën ditë ishte në vitin 2017, ndërsa i ardhshmi do të jetë më 16 prill 2028.

Ringjallja e Krishtit është një festë që ndërthur besimin dhe traditën, të dashura që nga kohëra të lashta, ndërsa fillon të Enjten e madhe edhe para lindjes së diellit, kur amviset lyejnë vezët e para të Pashkëve. Kjo traditë kishtare e ka origjinën nga shekulli i parë pas Krishtit, megjithatë praktikohej edhe në kohën e apostujve të shenjtë - dishepujve të Krishtit dhe pasardhësve të tyre. Tradita e shenjtë dëshmon për këtë. Veza e Pashkëve është po aq e vjetër sa krishterimi dhe kisha e ka pranuar në traditën dhe praktikën e saj si simbol të Ringjalljes së Krishtit. Të krishterët e parë dhe bashkëkohësit e apostujve filluan të lyenin vezë dhe t'i dhuronin ato për Pashkët, duke përshëndetur njëri-tjetrin me përshëndetjen: Krishti u ringjall! Me të vërtetë u ringjall! Kështu duke përshëndetur njëri tjetrin, i pari kumton lajmin e ringjalljes së Krishtit, ndërsa i dyti e konfirmon dhe në fakt të dy rrëfejnë besimin e tyre në ringjallje. Kjo praktikë vërehet në Letrën e shenjtë edhe sot e kësaj dite, kështu që besimtarët përshëndesin njëri tjetrin me këtë përshëndetje deri në ngjitjen e Krishtit në qiell, në Ditën e shpëtimit.

Sipas kronologjisë së ngjarjeve të Krishtit të shënuara në Ungjill, dihet se të Enjten e madhe, Zoti, Jezu Krisht vendosi eukaristinë e shenjtë në Darkën e fshehur bazuar në bukën dhe verën e kuqe, të cilat shndërrohen në trupin e Krishtit dhe gjakun. Ky sakrament i shenjtë - Eukaristia jepet për shpëtimin e njerëzve dhe bazohet në gjakun e Krishtit. Kjo është arsyeja pse ngjyra e kuqe, që simbolizon gjakun e Krishtit nga eukaristia e shenjtë, dekoron vezët e Pashkëve. Ashtu si vezët e kuqe të lyera të së enjtes së Pashkëve janë një paralajmërim i qartë i afërsisë së Pashkëve, ashtu edhe atëherë, të enjten e Pashkëve në Darkën e fshehur, Krishti shpalli qartë dhe tha se së shpejti do të dorëzohet, do të vuante dhe do të ringjallej përsëri. 

Sipas Traditës së shenjtë, besohet se Marija Magdalena, njëra nga gratë bartëse të paqes e para ka filluar këtë zakon për vezët e Pashkëve. Thuhet se Maria Magdalena menjëherë pasj ringjalljes së Krishtit (Ditën e shpëtimit) u largua nga Jerusalemi dhe udhëtoi në botë për të predikuar Ungjillin. Në Romë ajo kërkoi të shkonte te perandori romak Tiverij, me qëllim që t'i tregonte perandorit për Zotin, Jezu Krisht. Në takim ajo fillimisht i dha mbretit një vezë të kuqe dhe e përshëndeti me fjalët Krishti u ringjall. Pastaj ajo i tregoi për gjithçka që mësoi Krishti, për veprat e tij të mira dhe mrekullitë që ai bëri për njerëzit. Duke ndjekur shembullin e saj, të krishterët e parë filluan t'i japin njëri-tjetrit vezë të kuqe në festën e Pashkëve dhe të përshëndesin njëri-tjetrin se Krishti u ringjall - me të vërtetë u ringjall! 

Foto: MIА