Radevi i jep afat Gllavçevit deri të hënën për të formuar qeverinë re të përkohshme të Bullgarisë
- Presidenti i Bullgarisë, Rumen Radev përsëri ka propozuar Dimitar Gllavçevin për kandidat dhe kryeministër të përkohshëm, kumtoi Pres shërbimi i shefit të shtetit bullgar.
![Radevi i jep afat Gllavçevit deri të hënën për të formuar qeverinë re të përkohshme të Bullgarisë](https://mia.mk/index.php/images/20240822115339_big_730x400_93.webp )
Sofje, 22 gusht 2024 (MIA) - Presidenti i Bullgarisë, Rumen Radev përsëri ka propozuar Dimitar Gllavçevin për kandidat dhe kryeministër të përkohshëm, kumtoi Pres shërbimi i shefit të shtetit bullgar.
Në orën 12, presidenti ka pritur kandidatin për kryeministër të përkohshëm në ndërtesën presidenciale. Radev e udhëzoi Dimitar Gllavçevin para së gjithash që të propozojë "ndryshime të shqyrtuara me kujdes në përbërjen e qeverisë".
"Insistoj që qeveria juaj të vendos si prioritet parandalimin e blerjes së votës... Ky është një kusht i domosdoshëm për suksesin e këtij mandati. Shpresoj se kam qenë plotësisht i qartë", theksoi presidenti bullgar.
Rumen Radev i ka dhënë afat Dimitar Gllavçevit deri të hënën për të paraqitur përbërjen e qeverisë së re të përkohshme.
"Nëse jemi të suksesshëm, zgjedhjet do të mbahen më 27 tetor", shtoi Radev.
Dimitar Gllavçev nuk precizoi nëse do ta zëvendësojë ministrin e Punëve të Brendshme Kalin Stojanov, ashtu siç kërkuan të gjitha forcat politike, përveç Deljan Peevskit. Ai vetëm deklaroi se do të përmbushte "pritshmëritë e publikut" për të ulur tensionin politik.
Dimitar Gllavçev ka shkarkuar dje pesë zëvendësministra nga qeveria aktuale pa dhënë arsyet për këtë. rq/
Foto: BTA