Shkup, 1 prill 2025 (MIA) - Propozim-ligji  për ndryshimin e Ligjit për Racionin e Subvencionuar të Studentëve ka kaluar sonte në Komisionin Parlamentar për Financim dhe Buxhet dhe shkon në procedurë të mëtutjeshme në Kuvend.

 Tre amendamentet e opozitës, përfshirë rritjen e racionit të subvencionuar të studentëve nga 140 në 160 denarë, nuk u mbështetën.

Me Propozim-ligjin për ndryshimin e Ligjit për Racion  të subvencionuar të Studentëve kryhet zgjerim i hapësirësë së përfituesve duke përfshirë studimet e ciklit të dytë, si dhe studimet e integruara në universitetet shtetërore dhe private në vend, të cilët nuk kanë të ardhura mujore mbi pagën minimale neto për vitin aktual.

Racioni i subvencionuar i studentëve është mbështetje financiare në shumë prej 140 denarë, të cilën studenti e merr nga Ministria e Arsimit dhe Shkencës për blerjen e ushqimit të përgatitur. Shuma e racionit të subvencionuar të studentëve rregullohet në përputhje me normën e inflacionit pas çdo viti fiskal dhe para miratimit të buxhetit republikan për vitin pasardhës.

 Foto: Arkivi i MIA-s