Prishtinë, 9 shkurt 2025 (MIA) - Lëvizja Vetëvendosje (LVV) e kryeministrit Albin Kurti do të marrë 42,3 për qind të votave të qytetarëve që ushtruan të drejtën e votës në zgjedhjet e sotme parlamentare në Kosovë, tregon projeksioni i Kohës, ku nuk përfshihen votat nga diaspora. Shndërruar në mandate deputetësh, bazuar në këtë projeksion brenda margjinës së gabimit deri në 2.54 pikë përqindje, Vetëvendosje do të fitojë 47 mandate në parlamentin 120 anëtarësh.

Në zgjedhjet e vitit 2021, Lëvizja Vetëvendosje kishte më shumë se 50 për qind të votave.

Partia Demokratike e Kosovës (PDK) e Memli Krasniqit do të pozicionet si partia e dytë me 21.3 për qind të votave. Sipas projeksionit, kjo parti ka fituar 23 mandate deputetësh.

Lidhja Demokratike e Kosovës (LDK) e Lumir Abdixhikut ka shënuar rritjen më të madhe që nga zgjedhjet e vitit 2021. Nga më pak se 13 për qind, kjo parti tani ka 20.4 për qind të votave, bazuar në projeksionin pa diasporën. Sa i përket mandateve të deputetëve, kjo parti do të ketë 23 vende deputetësh.

Aleanca për Ardhmërinë e Kosovës (AAK) e Ramush Haradinajt, në koalicion me Nismën Socialdemokrate dhe grupe të tjera, mbetet forca e katërt politike. Kjo parti do të fitojë 6.3 për qind të votave dhe do të ketë shtatë deputetë.

Projeksioni i Kohës bazohet në një anketë me 1.500 qytetarë, prej të cilëve 1.300 janë shqiptarë, 100 serbë dhe 100 nga etnitë tjera joshumicë.

Foto: printskrin