Штајнмаер: Војната против Украина е војна против европското единство
- Претседателот на Германија, Франк-Валтер Штајнмаер синоќа изјави дека војната на рускиот претседател Владимир Путин против Украина е исто така „војна против европското единство“
![Штајнмаер: Војната против Украина е војна против европското единство](https://mia.mk/index.php/images/20221113184412_big_730x400_34.webp )
Берлин, 25 јули 2022 (МИА) – Претседателот на Германија, Франк-Валтер Штајнмаер синоќа изјави дека војната на рускиот претседател Владимир Путин против Украина е исто така „војна против европското единство“.
- Војната на Путин против Украина е и војна против европското единство. Не смееме да дозволиме да не поделат, не смееме да го уништиме големото дело на обединета Европа што го започнавме со толку многу надеж, истакна Штајнмаер во говорот во Падерборн.
Тој наведе дека војната во Украина „двојно повеќе влијае врз заедничките основи на нашите вредности и на нашиот мировен поредок“.
- Русија не застанува со оспорување на границите, не запира со окупација на територијата на независна и суверена соседна земја, туку оди дотаму што ја оспорува украинската државност, посочи Штајнмаер. ми/