Шест пожари на отворено низ државава изминатите 24 часа
- Сите шест пожари се изгаснати.
![Шест пожари на отворено низ државава изминатите 24 часа](https://mia.mk/index.php/images/20240609111418_big_730x400_12.webp )
Скопје, 9 јуни 2024 (МИА) - Шест пожари на отворено се регистрирани низ државава изминатото деноноќие, соопшти денеска Центарот за управување со кризи (ЦУК).
Во општина Ѓорче Петров гореле ниска вегетација и депонија. Ниска вегетација горела и во село Миладиновци, општина Илинден, потоа во регионот на прилепските нови гробишта, како и на територија на кавадаречката населба Глишиќ.
Останатите два се евидентирани на гевгелиска територија. Дива депонија горела во регионот на индустриската зона „Блок техно“, а пожар зафатил и деградирана ниско стеблеста шума на „Мрзненски рид“.
Сите шест пожари се изгаснати. бд/сст/
Фото: МИА архива