Швјонтек и Надал ќе настапат на дебитантскиот Јунајтед куп
- Најдобрата светска тенисерка Ига Швјонтек и вториот светски рекет Рафаел Надал ќе ја отворат новата сезона со настап на Јунајтед купот во Австралија, соопштија денеска организаторите.
![Швјонтек и Надал ќе настапат на дебитантскиот Јунајтед куп](https://mia.mk/index.php/images/20221114025408_big_730x400_62.webp )
Сиднеј, 10 ноември 2022 (МИА) – Најдобрата светска тенисерка Ига Швјонтек и вториот светски рекет Рафаел Надал ќе ја отворат новата сезона со настап на Јунајтед купот во Австралија, соопштија денеска организаторите.
Турнирот ќе ги замени поранешните натпреварувања Хопман куп и АТП куп и ќе се игра во Бризбејн, Перт и Сиднеј.
На турнирот ќе учествуваат 18 репрезентации со по четири машки и женски претставници.
Турнирот ќе стартува на 29 декември и ќе се игра до 8 јануари.
Меѓу учесниците на дебитантскиот Јунајтед куп ќе бидат и Ник Кирјос, Каспер Руд, Александер Зверев и Каролин Гарсија. ег/