Четири возила се судрија на експресниот пат Штип - Радовиш
- Според првичните сознанија во сообраќајката нема загинати лица, а движењето на другите возила не е во прекин, односно сообраќајната полиција ги пренасочува.
![Четири возила се судрија на експресниот пат Штип - Радовиш](https://mia.mk/index.php/images/20240814152355_big_730x400_44.webp )
Кочани, 14 август 2024 (МИА) – Четири возила, од кои три патнички и едно товарно, попладнево се судрија на експресниот пат Штип – Радовиш.
Од СВР - Штип ја потврдија сообраќајната несреќа без да соопштуваат подетални информации, со оглед што на лице место сè уште трае увидот и утврдувањето на околностите поради кои дошло до судирот.
Според првичните сознанија во сообраќајката нема загинати лица, а движењето на другите возила не е во прекин, односно сообраќајната полиција ги пренасочува.
Подетални информации се очекуваат по завршувањето на увидот. та/дма/
Фото: МИА архива